म्हारा प्यारा रे गजानन आइज्यो,
रिद्ध सिद्ध न सागै ल्याइज्यो जी।
थानै सबसे पहला मानवां,
लडुवन को भोग लगावां,
थे मूसे चढ़कर आइज्यो जी |
म्हारा प्यारा....
माँ पार्वती का प्यारा,
शिव शंकर लाल दुलारा,
थे बाँध पागड़ी आइज्यो जी ||
म्हारा प्यारा.....
थे रिद्ध सिद्ध का दातारी,
थानै ध्यावै दुनिया सारी,
म्हारा अटक्या काज बणाइज्यो जी ||
म्हारा प्यारा.....
"देवसेना" थारो " यश गावे,
थारे चरणां शीश नवावे,
म्हारी नैया ने पार लगाई ज्यो जी ||
म्हारा प्यारा....
गजानन महाराज की जय ||
घणा दिन सो लियो, रे अब तो जाग मुसाफिर जाग
पहला सूत्यो मात गर्भ में पुन्दा पैर पसार
हाथ जोड़ कर बहार निकल्यो हरी ने दियो बिसराए
जन्म तेरा हो लिया रे अब तो जाग मुसाफिर जाग
| घणा दिन सो लियो, रे अब तो जाग मुसाफिर जाग
दूजा सूत्यो मात गोद में हस हस दन्त दिखाए
बहन भांजी लोट जिमावे गावें मंगलाचार
लाड तेरा हो लिया रे अब तो जाग मुसाफिर जाग
घणा दिन सो लियो, रे अब तो जाग मुसाफिर जाग
तीजा सूत्यो पिया सेज में मन में बहुत उछाल
त्रिया चरित्र इक जाल रचेयो रे हरी ने दियो बिसराए
बिआह तेरा हो लिया रे अब तो जाग मुसाफिर जाग
घना दिन सो लियो, रे अब तो जाग मुसाफिर जाग
चौथा सूत्यो श्मशान में लंबा पैर पसार
कहत कबीर सुनो रे भाई साधो दीनी आग लगाए
दाग तेरा हो लिया रे अब तो जाग मुसाफिर जाग
घणा दिन सो लियो, रे अब तो जाग मुसाफिर जाग
