ओ मिजमानी हरे क मिजमानी,
मान गुमान म्हारे तो घर जीमो
म्हारा राज मिजमानी
१. गीद्दी तो ढालू रेसमीरे सायबा
एजीओ थान फुलड़ा जड़योड़ो बजोट म्हार तो घर जीमो म्हारा राज. ...
२. जीमण सात मिठाईयांरे सायबा
एजीओ थान सरस घेवरियाँरी गोठ म्हार तो .....
३. चावला रानू उजाला रे सायबा
एजीओ थान हरिय मुन्गारी दाल म्हार तो .....
४. बूंदी तो काडू सरसड़ीरे सायबा
एजीओ थान तीवण तिस बतीस म्हार तो ......
५. कैर फली सब कुच तलुरे सायबा
एजीओ थान पापड़ तलुरे पच्चास म्हार तो .....
६. थाल परोस पद्मनी रे सायबा
एजीओ थारी कर कर डोडी मनवार म्हार तो ......
७. चाबण डोडा एलची रे सायबा
एजीओ थान बड़लारा नागर पान म्हार तो ......
८. पंरषो तो ढोल पद्मंणी र सायबा
एजीओ थारी कर कर ढोली मनोहर म्हार तो .....
९. पोढण हिंगलू ढोलियोरे सायबा
एजीओ थान सुवा बरणी सेज म्हार तो घर जीमो म्हारा राज ...
