कोई पीवो राम रस प्यासा, कोई पीवो राम रस प्यासा।
गगन मण्डल में अली झरत है, उनमुन के घर बासा॥टेर॥
शीश उतार धरै गुरु आगे, करै न तन की आशा।
एसा मँहगा अमी बीकर है, छः ऋतु बारह मासा॥1॥
मोल करे सो छीके दूर से, तोलत छूटे बासा।
जो पीवे सो जुग जुग जीवे, कब हूँ न होय बिनासा॥2॥
एंही रस काज भये नृप योगी, छोडया भोग बिलासा।
सहज सिंहासन बैठे रहता, भस्ती रमाते उदासा॥3॥
गोरखनाथ, भरथरी पिया, सो ही कबीर अम्यासा।
गुरु दादू परताप कछुयक पाया सुन्दर दासा॥4॥
भजन बिना कोई न जागै रे, लगन बिना कोई न जागै रै।
तेरा जनम जनम का पाप करेड़ा, रंग किस बिध लागे रै॥टेर॥
संता की संगत करी कोनी भँवरा, भरम कैयाँ भागै रै।
राम नाम की सार कोनी जाणै, बाताँ मे आगै रै ॥1॥
या संसार काल वाली गीन्डी,टोरा लागे रै।
गुरु गम चोट सही कोनी जावै, पगाँ ने लागे रै॥2॥
सत सुमिरण का सैल बणाले, संता सागे रै।
नार सुषमणा राड़ लडै जद, जमड़ा भागै रै॥3॥
नाथ गुलाब सत संगत करले, संता सागे रै।
भानीनाथ अरज कर गावै, सतगुराँजी के आगै रै ॥4॥
गाड़ीवाले म्हणे बिठाले
गाडी वाले म्हणे बिठाले। एकबार गाडी थाम।
भाई मै हार गया।।
नरसीजी यो कहने लागे। गाडी मेरी पुरानी है।
जल्दी गाड़ी ठीक करू। ना मेरेसे छानी है।
किसनो म्हारो नाम भगतजी। खाटी म्हारी जात है ||१||
क्या डोज तुम सुधराई। कहदो तुम नरसी भाई।
चरणांमृत और तुलसी पत्ते। देवू तुमको सुधराई।
पांच सात मई भजन सुनाऊ। नहीं पल्ले में दाम ||२||
हात करोती खान्दे बसोलो। लिया हाथ में आरी है।
नरसीजीकी बिग़डी गाडी। प्रभु आय सुधरी है।
सोना के तो चाक मढ़ा दिया। हीरे जडे तमाम ||३||
बैलो पर जब हाथ धरा। नई चमक शक्ती आई।
नगर अन्जारा पोहोचे नरसी। खुश हुई नानीबाई।
किसनो खाटी उतर गया जब। कर संताने प्रणाम ||४||
सोला बैठे बाबाजी। गाड़ीमे मेरे माला।
नरसीजीकी गाड़ीके। कृष्ण बने है रखवाला।
किसनो बोल्यो दया राखजो। जाऊंगा अब धाम. ||५||
एक भगत का काम बना। प्रभु आकरके रथवान बने।
जैसे है यह भगत जगत में। वैसेही भगवान बने।
नरसी बोले शाम रटोरे। सरजावे सब काम ||६||
