श्री बालाजी ने लाड लडावे माता अंजना।
श्री बालाजी ने लाड लडावे माता अंजना॥
बालपणे में बाबो सूरज पकड्यो।
सारा देवता न ल्याय छुडावे माता अंजना॥
श्री बालाजी ने लाड लगावे माता अंजना’
न्हाय धोय कर कस्यो है लंगोटो।
राम जी को नाम पढावे माता अंजना॥
श्री बालाजी ने लाड लगावे माता अंजना’
सवा सवा मण का रोटिया चूर कर।
बालाजी ने भोग लगावे माता अंजना॥
श्री बालाजी ने लाड लगावे माता अंजना’
जाओ हनुमंत खेलो पर्वत पर।
विद्या बल बुद्धि बढ़ावे माता अंजना॥
श्री बालाजी ने लाड लगावे माता अंजना’
"माधव"कहे कोई अड़ी मांही सिमरे।
हनुमत लाल छुडावे माता अंजना॥
श्री बालाजी महाराज ने लगावे माता अंजना’
