म्हारै राम राम राम, सतगुरु सायब आया जी Mhara Ram Ram Ram Satguru Sahayab Aaya Ji Lyrics

म्हारै राम राम राम, सतगुरु सायब आया जी

भला ही आया जी, सतगुरु खूब आया जी |
म्हारै राम राम राम, सतगुरु सायब आया जी ||

दूर देश से चलकर आया, सिर माथे पग म्हारे ल्याया |
आवो जी महाराज म्हारे, साधा रो उमाओ ||

उच्या थल्ला माथे कोई बेसणा जी, कोई जाजम देवा बिछाय |
थारा चरण धोय चरणामृत लेवा, म्हारे फेर कद आवोगा ||

भाव का भोजनिया गुराजी, थाने तनमन वारा जी |
आज रेन विश्राम करो म्हारे , फेर कद आवोगा ||

नाथ गुलाब मिल्या गुरु पूरा, म्हाने त्यारण आया जी |
भानीनाथ शरण सतगुरु की, बधावा गाया जी ||

हिण्डो तो घलादे सतगुरु म्हारा बाग मे जी Hindo To Ghala Dyo Satguru Mhara Saheb Ji Lyrics

मे जी।
हिण्डो तो घलादे सतगुरु म्हारा बाग मे जी।
सतगुरु म्हारा, हिण्डे-हिण्डे सुरता नार ॥टेर॥
काया तो नगरिये मे सतगुरु म्हारा आमली जी।
सतगुरु म्हारा छायी छायी च्यारुँ मेर ॥1॥
अगर-चंदन को सतगुरु म्हारा पालणो जी।
सतगुरु म्हारा रेशम डोर घलाय ॥2॥
पाँच सखी मिल पाणीड़े न निसरी जी।
सतगुरु मेरा पाँचू ही एक उणियार ॥3॥
नाथ गुलाब से सतगुरु म्हारा विनती जी।
सतगुरु मेरा गावै-गावै भानीनाथ ॥4॥
बोल नाथ जी महाराज की जय

देवसेना सुन्दरकाण्ड,04-12-2018,स्थान -श्री रघुवीर सिंह जी राठौड़ कार्यालय

उठे तो बोले राम,देवसेना 52 वी सत्संग सभा ,01-12-2018 Uth To Bol Ram Baith To Bol Ram Lyrics

भाई रे मत दीजो मावड़ली ने दोष, कर्मा की रेखा न्यारी॥टेर॥.

भाई रे एक बेलड़ के तूम्बा चार, चारा री करणी न्यारी न्यारी।
भाई रे पहलो गुराँसा रे हाथ, दूजोडो मृदंग बाजणो।भाई रे
तीजो तम्बुरा वाली बीण, चोथोडो भीक्षा मांगणो॥1.

भाई रे एक गऊ के बछड़ा चार, चारा री करणी न्यारी न्यारी।
भाई रे पहलो सुरज रो सांड, दूजोडो शिव को नान्दियो।
भाई रे तीजो यो धाणी वालो बैल, चोथोड़ो बालद लादनो॥2॥.

भाई रे एक माटी का बर्तन चार, चारा री करणी न्यारी न्यारी।
भाई रे पहले में दहिड़ो जमावे, दूजो तो शिव के जल चढ़े।
भाई रे तीजो पणिहार्या रे शीश, चोथोड़ो शमशान जायसी॥3॥.

भाई रे एक मायड़ के पुत्र चार, चारा री करणी न्यारी न्यारी।
भाई रे पहलो राजाजी री पोल, दूजोड़ो हीरा पारखी।
भाई रे तीजो यो हाट बजार, चोथोड़ो भीक्षा मांगसी॥4॥.

भाई रे कह गया कबीरो धर्मीदास, कर्मारा भारा मेटयो॥5॥

जय देवसेना | 

जय श्री बालाजी की | 

वन्देमातरम | 

जय हिन्द | 

देवसेना प्रथम जागरण प्रस्तुति ,27 -11 -2018

तू आयो देर से गिरधारी.संत श्री गुलाबनाथ जी महाराज gulab nath ji Tu aayo der se giridhari Lyrics

आयो देर से गिरधारी, तू आयो देर से गिरधारी |
तेरी पाछी ले ज्या गाठड़ी तू मोड़े आयो गिरधारी ||

और सगा ने महल मालिया, सुंदर महल अटारी |
नरसी भगत ने टूटेडी टपरी, बा भी गाँव से न्यारी ||

और सगा ने लाडू जलेबी, सत पकवान मिठाई |
नरसी भगत ने बासी खिचड़ी, बा भी लूण से खारी ||

और सगा ने हिंगलू ढोलिया, गादी गिन्डवा न्यारा,
नरसी भगत ने फतेदी गुदड़ी, बभी चूहा से फाड़ी ||

कह नरसिलो सुन रे सांवरा आनो है तो आ ज्या |
नानी बाई को भरके मायरो , पाछा सुरग सिधारो ||

छप्पन करोड़ को ल्यायो मायरो, न्याय करो प्रभु त्यारो |
छिन्तरमल नरसी कि लज्जा, रखे बंसी वालो |